Bei Gericht, da hams zum Zeugn gsagt:
"Du wars dabei!
Jetzt sags, wenn hast an Hans begegnet?"
"Um halbe drei."

"Kunnts nit dreiviertel gwesen sein?
So sags nur frei!
Auf döst kimmt jetzt das Ganze an!" –
"Um halbe drei!"

"Ja, geht dei Uhr denn so akkrat?
So bsinn die nur!"
"Ja", sagt der Zeugn, "akkrat gehts nit,
i han koa Uhr!

Mir hat mei Lebtag neamand nie
no koane gschenkt."
"Wie woaßt denn na, daß´s halbe war?"
"I hab mirs – denkt!"

Karl Stieler